Poezi- DËBORË

Home » Aktualitet » Poezi- DËBORË

By edi on January 14, 2017. No Comments

FB_IMG_1484408317426

Bie dëborë,

përtej xhamave të dyfishtë të dritares

shikoj një film pa kolonë zanore.

Dy shoferë

kanë prangosur gomat me zinxhirë

për tradhëtinë e tyre lozonjare mbi akull,

dy fëmijë,

ndërtojnë një burrë prej dëbore,

pastaj njëri vrapon e ia ha hundën prej karote

me kërcime hopthi prej lepurushi të uritur.

Një adoleshente faqkapaputhur

me sytë xhixhë vë në shenjestër

djaloshin bukurosh që kalon çdo ditë parkut

e një top bore në formë zemre të ndrojtur

ia hedh  me kurajo mbi flokë.

Zemra e saj shkrihet,

kur në vend të një topi dëbore

merr si përgjigje puthjen e parë.

Një prift me veladon të zi

rrëshqet e bie mbi bardhësinë e pashkelur,

ca pëllumba zbresin fluturim e nisin të çukasin

rruzaret e shpërndara mbi dëborë.

Tabllo surrealiste mbi kanavacë të bardhë.

 

Ndue Lazri

Leave a Reply