Me batutën “epike” të Eduart Ndocajt për Endri Fugën, ish-komisar Dritan Zagani, ironizon kryeministrin: Momenti që lartgjatësia të bëjë azhornimin e programit “FUGSI”

Investimi që kryeministri Rama ka bërë në drejtim të imazhit të tij publik, përmes një makinerie të fuqishme të propagandimit dhe të manipulimit të opinionit qytetar, është një nga dukuritë më inovatore dhe më efikase të qeverisë së tij, për të cilat ai, shpeshherë ka mundur të mbulojë me kostumin e efekteve manipuluese shumë dështime spektakolare të tijat.
Por, në ‘Top Show”-n e Alban Dudushit, të para dy netëve, “programi kompjuterik” i tij, Endri Fuga” (batuta epike e ish-deputetit Eduart Ndocaj), nuk arriti të finalizonte operacionet marramendëse të opinionit publik, duke stisur një takim gjoja me studentë, pasi demaskimi ishte aq i shpejtë saqë kryeministri u telendis në një gaztor, duke u harbuar në një klloun monologues, që përpiqej ti jepte kuptim gjithë stërmundimit të Fugës për ta shitur si takim me përfaqësues të studentëve.

Opinoni publik, i mësuar me truket manipuluese të Fugës, i bëri “pritë” dhe e zuri në befasi, ku për gjysëm ore, arriti të dekonspironte gjithë pjesëmarrësit eatij takimi të turpshëm, të cilët të maskuar si “studentë”, rezultonin të ishin të gjithë anëtarë të FRESSH-it (Forumi Rinor Euro Socialist Shqiptar).

Nuk kanë vonuar komentet e shumta dhe opinoni publik e “masakroi” me statuse të ndryshme, qoftë ‘mentorin” e tij manipulues, qoftë kryeministrin klloun, i cili vetëm sa u paraqit si qesharak në përpjekjen mjerane të tij të përcarjes së protestës studentore.
Ndër komentet më pikante ka qenë publikimi i ish-komisarit Dritan Zagani, i cili në statusin e tij, duke iu referuar batutës së Ndocajt, ka ironizuar me shëmtinë e shfaqjes qesharake të ofruar nga kryeministri gjatë atij emisioni, dhe përmes sarkazmës vë në dukje nevojën për azhurnimin e programit “Fugsi”, të cilin Rama e përdor për propagandë dixhitale.

Gjithashtu, ish-komisari azilant, në shënimin e tij “post scriptum”, ka përmendur autorin e batutës, si për të përforcuar vlerën që merr shprehja “fugsi” në kontekstin e paraqitjes komike të kryeministrit, të cilit tashmë s’po i bën derman as “kurimi” mediatik i Endri Fugës.
Për publikun kujtojmë se deputeti Eduart Ndocaj, gjatë një interviste të dhënë një për emisionin “Oktapod” të Turjan Hyskën, ku ka surprizuar jo pak me humorin e tij ka lëshuar dhe batutën epike mbi Endri Fugën.

Ndocaj tha se nuk e dinte se Endri Fuga ishte njeri, por e kishte ditur se është program kompjuteri.

“As që e kam takuar ndonjëherë Endri Fugën. E dija se është program kompjuteri dhe jo njeri”, tha Ndocaj

Ja publikimi i ish-komisar Dritan Zaganit: