Zbardhet “Kushtetuta” e studentëve protestues

Mijëra studentë qëndrojnë që prej orëve të paradites në protestën përballë Ministrisë së Arsimit, ku kërkojnë në mënyrë të panegociueshme plotësimin e 8 kërkesave të tyre.

Këtë të martë, në ditën e 7 të protestës ka dalë dhe një “rregullore” e studentëve e shpërndarë nga të rinjtë për atë që mund të quhet “Kushtetutë” e të rinjve protestues. 7 janë pikat e “kushtetutës” së studentëve, të cilat mund t’i lexoni më poshtë:

7 pikat e “Kushtetutës” së Studentit:

1- Ne jemi të barabartë

2- Studenti për shqiptarët, shqiptarët për studentin

3- Nuk kemi përfaqësi, nuk kemi kryesi

4- Jo negociata, jo dialog, jo bisedime!

5- Kemi vetëm 8 kërkesa të cilat janë të panegoiueshme

6- Protesta dhe bojkot të mësimit deri sa të plotësohen kërkesat

7- Në protestë janë të lirë të bashkohen të gjithë gjimnazistët, mësuesit, pedagogët, prindërit dhe kushdo që është në mbështetje të çështjes sonë.

*Kushdo që nuk zbaton Kushtetutën e studentit nuk është student protestues.