Nga duartrokitjet te fishkëllimat: Si ndikuan transferimet në karrierën e lojtarëve

Kur një transferim vlerësohet si tradhti nga tifozët e një klubi, futbollistët nuk priten aspak mirë nga tifozët në tribunat e stadiumit të ish-klubit të tyre. Kur lojtarët përballen me ish-klubet e tyre, shumë prej tyre shihen si tradhtarë në sytë e tifozëve.

Fran Beltran dhe Dani Ceballos e bën kthimin e tyre në stadiumet e Rayo Vallecanos dhe Real Betisit gjatë fundjavës së kaluar, këtë herë si lojtarë të Celta Vigos dhe Real Madridit. Ata u pritën me shumë fishkëllima nga ish-tifozët e tyre, transmeton Gazeta Express.

Megjithatë, këta dy futbollistë janë vetën dy shembuj në listën e gjatë të lojtarëve që trajtohen si tradhtarë kur kthehen të luajnë si kundërshtare në stadiumet e ish-klubeve të tyre.

Inigo Martinez

Kalimi i tij nga Real Sociedadi në Athletic Club bëri që ai ta humbë reputacionin e në legjende në Estadio de Anoeta. Pasi e kishte kërkuar vet këtë transferim, ai u kthye në stadiumin e ish-klubit të tyre si rival. Në atë ndeshje, tifozët i zbuluan dy pankarta ku ishte shkruar: “Besnikëria nuk ka çmim” dhe “Inigo: Tradhtar, bir k*rve”.

Sergio Ramos

Në çdo ndeshje kundër ish-klubit të tij, Sevillës, tifozët kundërshtarë nuk e humbin mundësinë për t’i fishkëllyer kapitenit të Real Madridit. Pasi ai shënoi një gol në stadiumin Ramos Sanchez-Pizjuan, ai festoi duke e treguar me gisht emrin e tij.

“I kam kërkuar falje pjesës më të madhe të tifozëve në stadium, të cilët kanë treguar respekt ndaj meje, mirëpo jo ndaj një pjese të tifozëve, të cilët duan ta prishin reputacionin e tifozëve të këtij klubi. Ata e kanë pritur kthimin e lojtarëve si Ivan Rakitic dhe Dani Alves, duke i trajtuar ata si të ishin Zot”, ka thënë Ramos.

Jordi Alba

Tifozët e Valencias nuk mund ta falin atë për kalimin në Barcelonë. Kur Alba shënoi si rival në Mestalla, ai festoi para kamerës duke e dërguar një puthje, pas së cilës mori shumë kritika nga tifozët e ekipit kundërshtar.

“Unë shkova në Valencia si transferim i lirë dhe pastaj u ndihmova atyre të fitojnë shumë para. Nuk e kuptoj trajtimin që mora nga ta. Mendoj se ata duhet të kenë më shumë respekt për mua sesa që duhet të kem unë për ta”, ka thënë mbrojtësi anësor i Barcelonës.

Arda Turan

Ai u largua nga Atletico Madridi për t’u transferuar në Barcelonë, duke thënë: “Nuk doja të vrapoja aq shumë më”. Tifozët e klubit madrilen nuk e pritën aspak mirë largimin e njërit prej lojtarëve të preferuar të tyre dhe e trajtuan atë mjaft keq kur u kthye në Wanda Metropolitano.

Pau Lopez

Portieri aktual i Real Betisit u kthye në stadiumin që kishte qenë shtëpia e tij për plot nëntë vjet dhe pritja nga tifozët nuk mund të kishte qenë më armiqësore. Shumë tifozë të Espanyolit nuk e kuptonin pse ai e refuzoi ofertën për rinovimin e kontratës dhe situata u përkeqësua kur Lopez e festoi një gol të Betisit.

Vitolo

Transferimi i tij në Atletico Madrid i zemëroi tifozët e Sevillës, të cilët e kishin trajtuar atë si pjesëtar të familjes. Që kur u kompletua ky transferim, Vitolo është kthyer te stadiumi i ish-klubit të tij disa herë.

“Situata është e vështirë, askujt nuk i pëlqen të kalojë gjëra të tilla, por kështu e ka futbolli. Duhet të marrësh vendime dhe sinqerisht besoj se sjellja e të gjithëve ka qenë e drejtë. Nuk jam penduar për asgjë, pasi që të gjithë bëjnë atë që dëshirojnë”, kishte thënë ai kur u kthye për herë të parë në stadiumin e Sevillës.